للتسجيل اضغط هـنـا

اضغط هنا لدخول الشات

اضغط هنا لمشاهدة اخر المشاركات الجديدة بالمنتدى


التغريدات والاهداءات



♥عيون القصص والرويات والحكايا♥ يختص بالقصص و الروايات , قصص قصيره - Stories , قصص واقعية, قصص الانبياء, قصص حب, قصص واقعيه , روايات مترجمة

إضافة رد
 
LinkBack أدوات الموضوع انواع عرض الموضوع
قديم 16-08-2009, 11:35 AM   رقم المشاركة : [43]

مشرفة المنتدى الاسلامي

الصورة الرمزية دلوعة ميمو
 

دلوعة ميمو is on a distinguished road

معلومات إضافية
  قوة السمعة : 10
  الحالة :دلوعة ميمو غير متواجد حالياً
افتراضي رد: أبوس راسك يازمن (رواية)

الجزء الرابع


كلن له الله لو تخليت عني

محدٍ يموت ياصآحبي قبل يومه

مدآم قلبك جرح قلبي وطعني

مااشره على انسآن بعدك والومه

كل المصآيب دلن طريقي وجني

والحزن ارسلي باقي همومه

من كثر همي احس الهم مني

لاغآب همٍ يجي هم يعلن قدومه

شمت كل اعدآي وخيبت ظني

والقلب حطمت به باقي عزومه

تعآل شوف اليآس حلّ بي وسكنْي

والجسم مايقوى يرفع هدومه




وقف يناظر فيها وهي نايمه مثل الطفل على سجادتها كان التكييف باااااااارد وهي مو متغطيه غير بجلال الصلاة واضح عليها انها


بردانة قرب منها وهو مستغرب من حالتها ليلتين وهي تنام بنفس المكان جلس يتأملها وهو يفكر ليه دايم يحس بضعفها وخوفها

وانكسارها معقولة ان كل الطهارة والبرائة اللي يشوفها فيها مجرد قناع تختفي خلفه ابشع انسانة .. وقف وبعد عنها خاف انها

تصحى وتشوفه وهو يتأملها
فيصل بحدة وبصوت عالي شوي : لياااااان
فزت ليان من نومها مرعوبة تحاول تستوعب وينها فيه
فيصل بسخرية : يالاميرة النايمة مطولة تتأملين الغرفة؟؟؟ اصحي ورانا طيارة
جلست ليان وهي تمسك يدها اللي تألمها من نومها على الارض : عشر دقايق واكون جاهزه عند الباب
فيصل : لا ياحلوة ماحزرتي باقي معانا ساعه وبما اني جوعان ومااحب اكل الطيارة والشغالات نايمات وحرام ازعجهن

فابتقومين تجهزين لي قهوتي وفطوري
ليان بصدمة : الحين؟؟
فيصل بعصبية : ايه عندك مانع؟؟
ليان : شنو تحب تفطر؟؟
فيصل وهو يمشي بيطلع من الغرفة : اي شي مو مهم (وطلع)
اخذت ملابسها اللي كانت مجهزتها ودخلت الحمام تبدل لأنها ماتقدر تغير ملابسها بالغرفة دام فيصل يدخل ويطلع بدون استأذان بعد

ماخلصت فرشت اسنانها وطلعت مشطت شعرها ناظرت في شكلها في المراية صدق الكدمة بدت تخف شوي لكنها تخاف جدها

يشوفها ماكانت تدري وش مخطط له فيصل هل بيروحون من المطار للمستشفى مثل ماتتمنى او بيروحون للفندق اول فقررت انها

تحط ميك آب خفيف تحاول تخفي فيه الكدمة ويغطي على شحوب وجهها بعد ماخلصت نظرت برضى لنفسها وللانجاز اللي سوته


طلعت من غرفتها واول مانزلت الدرج تذكرت انها ماتعرف اشلون يحب قهوته
احتارت ماتدري وش تسوي

(ياربي وش اسوي الحين مالي الا اروح اسأله ..لا لا شنو اروح .. والا ليه لا انا مجرد خادمة في حياته واي خادمة



ممكن تدق باب غرفة سيدها وتسأله عن نوع قهوته المفضل) كل هالكلام كان يدور في ذهن ليان ومع انها اقنعت نفسها الا انها



راحت لغرفته بأرجل ترتجف تقدم خطوة


وترجع خطوة .. وقفت قدام غرفته مترددة هي حتى ماتعرف اذا هذي غرفته او لا





حكمت انها غرفته بس لانها شافته يدخلها كم مرة .. اخيرآ تشجعت ودقت الباب



فتح فيصل الباب وكان لابس بنطلون.. اما صدره كان مكشوف ... وهالشي خلى كل الوان الطيف تمر على ليان لما



شافته تمنت الارض تنشق وتبلعها .. كان صدره وبطنه مرسوم رسم .. عضلات صدره بارزة وعضلات بطنه



مقسمه ومحددة,, نزلت عيونها وصارت تناظر في الارض وهي ترتجف من الاحراج وحمرة الخجل كاسية وجههاانصدم



فيصل من وجودها عند بابه بس سكت ينتظرها تتكلم وهو ويتأمل في شكلها اللي سحره استغرب من خجلها والحمرة اللي غطت



وجهها معقولة تقدر تمثل حتى بالشي هذا مستحيل يكون كل هالخجل والرجفة والخوف تمثيل ..



فيصل : ليه جاية فيه شي ؟؟

ليان :........
فيصل بحدة : تكلمي ليه جاية؟؟
ليان بخوف وارتباك وخجل : هاه .. لاااااا .. بس ..





سحبها فيصل من يدها وضمها لــ صدره وهو مستغرب من حركته.. يكره هالانسانه لانها تضيعه كل ماشافها ..يفقد معها



كل سيطرة على نفسه ... اما ليان كانت مثل سنبلة في مهب الريح .. من اول يوم شافته في ملكتها وشافت منه حنانه



كانت امنيتها ترتمي على هالصدر وتبكي سنوات القسوة اللي عاشتها تبكي جبروت اب وقسوة ام .. وهذي هي رجعت



لصدره مرة ثانية بس بعد ماعرفت قسوته ماكانت تبي تبكي كانت تبي تدور الحنان اللي شافته منه وتسأله وش صار وليه



تحول بيوم وليلة لقسوة ؟؟



ضمها اكثر له وقرب شفايفه من اذنها وبهمس : عمري ليه ترتجفين خايفة مني ؟؟

كان عقلها يحاول يستوعب كلمة عمري اللي قالها بحنان وهمس وانفاسه تحسها تحرق وجهها .. كانت تبي تصرخ فيه وتقول





ايه خايفة منك جربت حنانك وجربت قسوتك .. ايه خايفة لأني تعلقت فيك من اول ماشفتك .. ايه خايفة على كل امل



وحلم بنيته بمخيلتي عن الحب والسعادة اللي بعيشها معك انها تتحول لكابوس يقتل بقايا الانسانة اللي بداخلي ... قبل ماتنطق



بأي كلمة كان فيصل اسرع منها



فيصل وبنفس الهمس : حبيبتي ليه مانستفيد من زواجنا .. انتي استفدتي واحد ستر عليك ووفر لك بيت لأن ابوك مايبيك في

بيته .. بس انا اللي طلعت خسران .. فقلت استفيد واحصل على حقوقي كزوج.. صحيح بيكون بس اشباع نزوة لكن



على الاقل بيكون بالحلال مو بالحرام سكت شوي ينتظرها تتكلم ولما ماسمع منها اي صوت بعد بيده خصلات من شعرها وقرب



شفايفه من اذنها اكثر وبهمس خالي من اي رقة او نبرة حنان : بس المشكلة اني لو اشوفك عريانة قدامي مايتحرك فيني اي



احساس تجاه وحدة حقيرة وقذرة مثلك

خلص كلمته وتركها وبعد عنها





تركها حطام انثى ..شضايا احلام مبعثرة مافيه شي ممكن يجمعها ..تركها جسد ميت بلا روح .. كانت كلماته مثل



السياط على جسدها وقلبها اللي ادمته كثر الطعنات والجراح .. حتى الدموع تحجرت بعيونها ..



فيصل كان يناظر فيها توقع انها بتثور وتصارخ وتبكي او اقل شي تروح لغرفتها وتحبس نفسها فيها بس اللي صدمه انها واقفة



قدامه مثل ماهي وبكل هدوء باستثناء ان رعشتها وحمرة خدودها اختفت وانفاسها السريعه هدت او بالاصح ماكان يحس انها



تتنفس ولو انها مو واقفة قدامه وتناظر فيه والا كان قال انها ماتت



فيصل : مطولة تتأمليني عسى اكون عجبتك بس ؟!!
.. يلا تحركي ورانا رحلة

ليان بهدوء : كيف تحب قهوتك؟؟





فيصل كان ناسي انه طلب منها تسوي له قهوته وفطوره ولما قال لها ماكان متوقع انها بتنفذ كلامه مو لأنها عنيدة بس لأنها بتنشغل



بتجهيز نفسها للسفر .. يعني جيتها لغرفتي علشان تسألني كيف اشرب قهوتي وانا اللي قسيت عليها لأني توقعت انها جاية



بكل جراءة تلمح لشي .. بس خجلها وارتباكها هو اللي خلاني افكر وافهمها كذا.. يعني البنت ماجت تعرض علي



نفسها وانا بكل قسوة ادبتها على فكرتي الغلط



فيصل وهو يحاول يلين صوته قد مايقدر : احبها سوداء وبدون سكر بس لاتسوينها روحي جهزي نفسك

طلعت ليان بدون ولا كلمة ونزلت للمطبخ جهزت فطور سريع له وقهوته السوداء وحطتها على الطاولة
دخل فيصل وهي تحط الفطور : قلت لك لاتسوين شي وروحي جهزي نفسك ليه تعاندين ؟؟!!!!
ليان بهدوء بعد ماخلصت : مااعاند واسفة ماسمعتك ... خلصت كلامها وطلعت
بعد عشر دقايق نزلت ومعها شنطتها .. كان فيصل جالس يشرب قهوته وماكان له نفس يأكل شي
فيصل : ليان تعالي افطري امس مااكلتي شي
ليان بهدوء : شكرآ مو جوعانة





انقهر فيصل منها كل مرة يجرحها كان يتوقع انها بتثور وبتشيل قناع الطيبة والانكسار لكن ماكان يحصل ردها غير بدموع تحاول



تحبسها لكنها تخونها وتنزل حتى هالمرة لما فسر جيتها غلط وتفنن بجرحه لها قابلته بهدوء غريب حتى بكاء مابكت وفوق كل هذا



سوت له قهوته وفطوره .. كان يعرف ليه يعذبها علشان غلطتها اللي ماتغتفر بس اللي كان مو لاقي له اي تفسير ليه كل مرة



يعذبها يتعذب هو معها؟؟؟!!!!!!!!!!



طول طريقهم للمطار وليان مازالت بحلة جمودها وفيصل كل تفكيره فيها وما كان فيه اي صوت بالسيارة ماعدا صوت ابو نوره



احبس دموعي حبيبي من غلاك



انت دمعه .. خايف ابكيك وتطيح






يـاحبيب الجـرح .. اتعبني عنــاك



فــي يدينك قـــلب لكنه جـريح



بـ نشدك قد صرت نجمٍ في سماك



او مشيت بدرب .. ماهو لي صحيح



جـابني يمـك حنيــني مــانسـاك



قام ينشد عنك شــوق ٍ بي يصيح



من عذاب البرد .. جيت ابغى دفاك



واثرك بصادق حنينك لي شحيـح



مايمـــوت القلب لا صــد وجفــاك



مايموت القلب .. لـكن يستريح



بـ احبســك مابين جـفنين و القــاك



لاالتقى بالعين .. ملتاع و مريــح




وصلو للمطار الساعة اربعة الفجر ماكان باقي على رحلتهم غير نص ساعة.. خلص اوراقهم بسرعة وطلعو للطيارة

اول مابدت الطيارة تتحرك تذكرت ليان رعبها من الطيران كل مرة تكون لين جنبها تهديها وتقرا عليها .. في آخر رحلة لهم





ماكان مقعدها بجنب لين وانهارت عليهم من البكاء والصياح حتى ان ابوها ضربها علشان تسكت بس مافاد الين اضطر يجلسها



بجنب لين بس الحين لين مو معها



صارت تبكي بصوت واطي حيل ..حس فيها فيصل وقرب منها : ليه تبكين خايفة ؟

هالكلمة صحتها من صدمتها فجرت داخلها كل الالم من كلماته المسموة اللي سمعها لها وهي بحضنه .. صارت تبكي بصوت





اعلى شوي وبخوف وكل مازادت سرعة الطيارة علشان الاقلاع زاد معه بكاها وخوفها وصعوبة تنفسها.. قرب فيصل منها



يبي يمسكها ويهديها لكنها كانت تدفه وتبعده عنها

تذكر ان في شنطة اوراقه حبوب منومة كان يستخدمها في الرحلات الطويلة .. نادى على المضيفة وطلب منها كأس ماء
لما جابته له .. مد الكأس لليان وهو يحاول مايقرب منها علشان مايزيد بكاها





فيصل : ليان خذي الكاس وكلي هالحبة بتريحك

لكن ماكان فيه اي رد من ليان غير بكاها واضطراب تنفسها ..
حست المضيفة ان فيه شي بينهم رغم خوفها من الطيران الا انها رافضة تقبل منه اي مساعدة ... تدخلت واخذت الكأس





والحبة من فيصل وراحت لجهة ليان

المضيفة قربت من ليان ومسحت على ظهرها بحنان : يلا حبيبتي خذي الحبة واوعدك ترتاحين
اخذت ليان الحبة بدون ماتتكلم وبلعتها .. بس لما شافت المضيفة تبي تروح مسكت يدها بسرعة
ليان بصوت خنقه البكاء وبكل رجاء : لاتتركيني
قام فيصل وطلب من المضيفة تجلس مكانه ولما شاف المضيفة بتعترض اشر لها بيده خمس دقايق بس .. بعد ماجلست بجنبها





المضيفة راح وجلس على مقعد فاضي قريب منهم .. كانت نظراته معلقة بليان وهي متمسكة بالمضيفة تدور عندها الحنان



والأمان .. كسر خاطره منظرها والخوف والدموع اللي شافها بعيونها .. كره نفسه على حركته اليوم معها . هدوئها



كان كله صدمة ماصحاها منها غير الخوف من الطيارة



اول ماحس فيصل ان ليان نامت رجع لمكانه بعد ماقامت المضيفة وخر مساند اليد اللي بينهم وقربها منه وحط يده من وراها



وراسها على صدره .. على كثر مايقسى عليها وهو عارف انها تستحق اكثر من كذا على كثر مايتقطع قلبه عليها لما يشوف



دموعها وانكسارها .. كان طول عمره وعقله وقلبه على خط مستقيم مايختلفون هي المرة الوحيدة اللي يختلفون مابين عقل يطالب
منه يعاقبها او يتخلص منها على غلطتها القذرة ومابين قلب يتعذب علشانها ويقول حبها وارحم حالها كافي اللي شافته بحياتها


لاتكون انت والزمن عليها وهو مشتت مايدري يسمع كلام عقله او قلبه

؟؟؟؟

اول ماهبطت الطيارة في مطار فرانكفورت بعد رحلة دامت خمس ساعات بعدها فيصل عن صدره وسندها للجهة الثانية من المقعد



.. كانت ليان غارقة في النوم بفعل الحبوب وقلة النوم اللي تعانيها حست بيد تهزها و أحد يناديها فتحت عيونها بصعوبة وبعد



مااستوعبت ان فيصل هو اللي يصحيها فزت بخوف وبعدت عن يديه



فيصل : خلاص وصلنا ماله داعي الخوف وروحي لدورة المياه اذا بتبدلين ملابسك

قامت ليان وبدون ولا كلمة اخذت شنطتها الصغيرة وراحت للحمام (عزكم الله) غسلت وجهها من اثار الدموع وفسخت عباية
الراس ولبست بدالها عباية كتف سادة مافيها اي زينة ولفت حجابها باحكام علشان ماتبان ولا شعرة ناظرت في المراية ولأن

وجهها خالي من اي ميك آب والكدمة واضحة وشكلها بيكون محرج
اخيراً سوت من طرحتها لثمة واخذت شنطتها وطلعت



انصدم فيصل لما شافها هو قال لها روحي بدلي ملابسك وكان


قاصد يعطيها الضوء الاخضر بيشوف وش تسوي لكن اللي ماتوقعه


ولا واحد بالمليون انها بتلبس كذا

فيصل : بتطلعين كذا
ليان ببرود : عندك اعتراض ؟؟
فيصل : لا ماعندي ويلا ننزل
طلعت معاه بدون ولا كلمة ... دخلو المطار وبعد ماخلص بعض الإجراءت اخذها لـ كوفي شوب
فيصل : شنو تحبين اطلب لك ؟؟
ليان بحده : ماابي شي ابي اروح لجدي
فيصل وهو يفتح جواله :ان شاء الله ياطويلة العمر بس بعد الرحلة الثانية والا ناسية ان جدي في فرايبورغ مو في فرانكفورت ؟؟!!
انحرجت ليان كل اللي تعرفه ان جدها في ألمانيا وتعرف انه في مستشفى سانافونتيس بس وين بالضبط ماتدري
فيصل : ماقلتي شنو اطلبلك ؟
ماردت عليه واكتفت بتحريك راسها بــ لا





بعد انتظار ساعتين في المطار طلعو على الرحلة الثانية كانت ليان هالمرة اهدى شوي من قبل بس برغم كذا كانت شادة بيديها

على المقعد بكل قوتها وواضح سرعة تنفسها والدموع اللي بعيونها انها خايفة ماحاول فيصل انه يساعدها لانه عارف انها ماراح

ترضى

اول ماوصلو فرايبورغ كان فيه سيارة بانتظارهم
ليان بعد ماركبو السيارة : وين بنروح للفندق او عند جدي؟؟
فيصل : لابنروح نرتاح وبعدها نطلع لـ جدي
ليان برجاء : ارجوك خلنا نروح له الحين
فيصل : إيش فوشتا سانافونتيس جيهن
السواق : اوكي
ليان مافهمت من كلامه شي بس مااهتمت تعرف كل اللي تبيه تروح لــ جدي : ارجوك
فيصل بحدة: خلاص ماتسمعين قلت له يأخذنا للمستشفى
ليان : وانا وش يعرفني ان الطلاسم اللي قلتها له من شوي معناها يودينا لجدي ؟!!!
فيصل وهو يحاول يتصل على امه ام ماجد :هالطلاسم على قولتك تكون لغتهم





ام ماجد : الووو

فيصل : هلالالالالالا وغلاالالالالا حيي هالصوووووت




ام ماجد : تحيى وتدوم ياعيون امك .. طمني يمي وصلتو؟؟

فيصل : ايه يالغلا ابشرك وصلنا وبخير
ام ماجد : الحمدلله يالغالي وشلون ليان عسى ماتعبت ؟؟
فيصل : لا يالغالية وعطيني المهبولة اللي تصارخ عندك ماخلتني اسمعك
ام ماجد : الله انه يزعجها ماارد على تلفون الا وهي قاطتن معي
ندى بعد مااخذت التلفون من امها : هلالالالالالا وااااااااالله تصدق اني عرفت انك انت اللي متصل من شفت احبال امي

الصوتية طالعة وترقص سامري

فيصل : حتى احبال امي الصوتية ماسلمت منك يابنت اعقلي لا اذبحك
ندى : هههههههههههههاااااي تبطي عظم ذبحتي يابابا بعيدة عليك بعد العرس
فيصل : ياهالعرس اللي مدخلته في كل سالفة
ندى : ههههههههههههه شفت شلون بصدع روسكم فيها الين تزوجوني
فيصل : اذا مت فكري تتزوجين قبله لا
ندى : هو انا كل ماقلت لواحد فيكم ابي اتزوج قال عقب مااموت ياناس لاتحدوني اسوي فيكم مجزرة جماعية؟!!!!!!!!
فيصل : زين انك نبهتيني علشان لو صار لي اي شي لاسمح الله وقالو في من تشك بقول انتي وعاد تحملي مايجيك اعدائي

كثر التراب

ندى : السجن والعنوسة اسمان لمعاناة وحدة يعني ماتفرق عندي .. ايه صح نسيت وش الفلم اللي سوته ليان بالطيارة؟؟
فيصل : بسم الله ساحرة انتي اشلون عرفتي؟؟!!!!!
ندى : ههههههههههههههههه لا بس هي كل مرة تسوي فلم بحضن لين وهالمرة اكيد معك ؟!!
فيصل (اي حضن وهي ماتحملت اني المسها) : لا ماصار شي بس شادة على المقعد وشوي وتبكي
ندى : ياعمري عليها طول عمرها خجولة حتى وهي ميتة خوف .. وعسى ماغرمتكم شركة الطيران قيمة المقعد؟
فيصل : لا ربك ستر المهم احنا وصلنا وقولي لـ امي بتصل عليها من عند جدي علشان تكلمه يلا ضفي وجهك






نزل فيصل وليان ودخلو مستشفى سانافونتيس اللي يعتبر من اكبر المراكز في علاج السرطان كان شوق ليان يسبق خطاها كانت



تبي تصل للقلب الطيب والصدر الحنون والملاذ الآمن ..



وقف فيصل عند غرفة عرفت انها غرفة جدها دخل فيصل ودخلت بعده .. شافت فيصل وهو يسلم على جدها خنقتها العبرة



وهي تشوف جدها مرمي على السرير الابيض وفاقد قوته الجسدية لكن تحس ان روحه قوية مثل ماهي كانت الدموع تغطي



وجهها مو قادرة تشوف شي قدامها



مد جدها يديه لها وهو يقول بحنان هلا بنتي.. كانت اشارة لليان انها تركض لجدها وترتمي بحظنه تبكي حال جدها وحالها



على صدر الانسان الوحيد اللي مااحد حبها كثره .. كانت تبكي بحرقة تقطع القلب تبكي سنين القسوة اللي عاشتها بعيد عن



جدها اللي كان يرسم البسمة على شفاهها

ابوعبدالعزيز : ليه البكاء ياقلب جدك هذا انتي عندي والا بس بتضيقين صدري
ليان ببكى : سلامة صدرك من الضيقة عسى كل ماتعانيه فيني ولا فيك
ابوعبدالعزيز : بعيد الشر عنك لاتقولين كذا
ليان : ورب البيت واللي خلق في هالجسد روح انه لو بيدي اكون مكانك وانت متعافي ومتهني ماترددت لحظة وحدة
ابوعبدالعزيز : ليااااان والله ان سمعت هالكلام منك مرة ثانية ان لساني مايخاطب لسانك طول عمري
ليان : لا ياجدي خل كل الدنيا تخاصمني وتكرهني الا انت لا وربي مااتحمل زعلك (حطت يدها على فمها )خلاص سكت





ماراح اقول شي (وبصوت مخنوق بالبكاء) بس انت لاتزعل مني مالي غيرك

ابوعبدالعزيز : لك رب العالمين يابنتي وكلنا حولك ونحبك ونغليك ويلا اكشفي ليه حارمتني من هالوجه الحلو
ارتبكت ليان بس ماعدنها اي عذر تقوله وعارفة ان جدها ماراح يسكت على ابوها لو درى
ليان : لا جدي خلني مغطيته الين تروح الكدمة (وبمرح) اللي معيرتني فيها ندى





ماتناديني من طحت غير بالحولا

ابوعبدالعزيز بجدية : ليان قلت اكشفي وجهك واذا تعلمتي الكذب ذيك الحزة تعالي اكذبي علي

كشفت ليان وجهها وبارتباك تحاول تخفيه : جدي الله يهديك اي كذب
ابو عبدالعزيز مارد عليها وبعصبية وهو يناظر فيصل : هذي الامانة اللي امنتك عليها يافيصل هذا وانا بعدني حي سويت كذا





اجل لو مت وش بتسوي؟؟

فيصل بقهر : بعيد الشر عنك ياجدي وانا مالي دخل بالسالفة اخذتها من بيت ابوها كذا تبي تعرف ليه سوا فيها كذا ؟؟ هذي هي





عندك اسألها

ابوعبدالعزيز بغضب : حسبي عليك الله ياإبراهيم اللي بأفعالك تحدني ادعي عليك
ليان : لااااااااااا ياجدي ابوس يدك لاتدعي عليه انا غلطت اكيد والا ماكان ضربني
فيصل بسخرية : زين اخيرآ اعترفتي
ابو عبدالعزيز بحدة : فيصل خلص اوراقي واحجز لنا على اول رحلة للرياض





~~~~~~~~~~~~~~~~~~~~~



في بيت العمة نوره



ندى : يمه اتصلي على جارتنا ام مشاري وقولي لها ترسل روان علشان اذاكر لها بس خلي روان تكلمني علشان اقول لها وش تجيب معها

ام ماجد : بسم الله على بنيتي .. من متى هالعقل , اكيد تحسين بشي؟؟!!!
ندى : لا يمة قلت مادام مالي مستقبل في الزواج على الاقل يكون لي مستقبل في التدريس
ام ماجد : ههههههههههههههههههه ايه يقولون اذا عرف السبب بطل العجب مشاري خاطب بنت خاله يعني لاتميلحين عندهم بتدريس روان
ندى : الله يبشرك بالخير .. واستمري بتحطيمي رعاك الله ومن اليوم انسى يمه وماما وماميتو مافيه غير يأم العانس





علشان تحسون بمعاناتي

ام ماجد : هاا يالعانس اتصل عليهم والا هونتي؟؟
ندى بقهر : ايه اتصلي ولاتقولين عانس
ام ماجد وهي تتصل : وش اسوي لك انتي تقولين ام العانس اجل انتي العانس وانا جازت لي ومن اليوم مالك عندي غيرها
ام مشاري : الوو
ام ماجد : هلا والله
ام مشاري : هلا بالغالية وشلونك عساك طيبة ؟؟
ام ماجد : بنعمه من ربي ولايكثر هرجتس ترى مالنا غير ساعة عن بعض
ام مشاري : هههههههههههههههههههه خلاص ياكافي اكلتيني بقشوري هاا بشري عسى ندى وافقت تدرس روان
ام ماجد : ايه ابشرتس بس نادي روان تكلمها
ام ماجد تكلم ندى : روحي عطيني ماء على ماتجي روان
ندى بعد ماجابت الماء لأمها واخذت السماعة : هلا رو رو
روان بعصبية : شايفتي ظاطور عندك تدلعيني رو رو
(الظاطور لغير الناطقين بالنجدي هو :وزغة , برص, بريعصي,ابو بريص )<<<هذي كل المسميات اللي لقيتها واذا





لقيت له اسم جديد اوعدكم احطه بالشرح القادم او سموه مثلي تمساح صغير خخخخخخخ

ندى :ول ياطول لسانك مو منك والله من العجز امي وامك اللي مقابلتهم طول اليوم
روان : مقابلة العجز ابرك من مقابلة العوانس
ندى بقهر : ادري من محفظك ذا الكلمة لكن اسمعي (وتناظر في امها ) والكلام لك ياجارة .. إيه أفتخر لا قالوا الناس






عانس ...ما دام من يطلبن ماهوب رجال

ام ماجد : هههههههههههههههههههههه والله وسوت منك العنوسة شاعرة استمري على قيام الليل يمي عسى ربي يرزقتس





ويتقدم لك واحد داعيتن عليه امه وانتي ارفضيه مع ان ماهوب ظني وعقب صكينا في هالبيت

شالت ندى التلفون وبعدت عن امها بقهر بدون ماترد عليها

ندى : روينه عن الضحك لا اجي اقحص ببطنك واسوي خمسات واسمعي وش بقول لك
روان : تخسين تسوين ببطني خمسات وبعدين فيه احد خبل يدرس في العطلة؟!!!
ندى : عن الفلسفة واسمعيني ولاتطاوعين هالعجز بيدمرن مستقبلك مثل مادمرن مستقبلي خذي شنطتك وفضيها من الكتب





وحطي لك فيها ملابس غيار واحد مو تضفين الدولاب

روان بفرحة : ليه بنسبح

ندى : احلا من السباحة وجيبي معك العربة اللي فيها حبل من قدام ومعزرتن بسويويقكم كل يوم يسحبك
روان بارتباك : وشلون عرفتي
ندى (الطلطلة من الشبابيك لها فوائد): ماهوب شغلك سوي اللي قلت لك عليه وتعالي انتظرك





(روان عمرها 8 سنوات البنت الوحيدة بين 7 اولاد عربجية وهمها اللعب عايدة سنة اولى مرتين لأنها الى الآن



ماتعرف تجمع اكثر من 1+1)

اضغط هنا لمشاهدة فضائح هيفاء وهبي بالفيديو والصور

 

 لمشاهدة فضائح الفنانين اضغط هنا



التعديل الأخير تم بواسطة دلوعة ميمو ; 16-08-2009 الساعة 12:29 PM.

من مواضيعي
0 بعض الرجال كبار لكن مهابيل |•
0 ام تحرق طفلها ظانة بة جن
0 ولاده طفل يشبه المسيح ..ياترى هل هو حقيقه؟؟؟
0 قبسات من نور [ كلمات مـضيئة * شعر إسلامي* حكم ووصايا ]
0 مؤذن في غيبوبه اكثر من تسع سنوات !
0 أجمع آية للخير والشر
0 آية قرآنية تقرأ من اليمين الى اليسار والعكس
0 أول معركة بين الجن والإنس من روائع ما قرآت
0 إكتشاف هااام ( في جثة فرعون مصر رمسيس الثاني )
0 أرجو من الكل الدعاء له .. أسأل الله أن يتولاه برحمته .. اللهم آآآآآمين
0 .•.°.• قد لاتَمنَحنَي آلحَيَاة ايآك غَـــــدآ i•.•.°.•
0 ܔلاترحل وذنوبگ معگܔ..
0 آعْشَـَـَـَقْ آلـصَمْتْ / يَـَـَسْتَهْوٍيـنٍـٍـٍيْ آإلُهُدُوُءْ؛
0 عاجل...كاتبه سعودية تطالب الزواج من 4 رجال
0 تربّينـــا على الآآآآه بسكـــات .|~

آخر تعديل دلوعة ميمو يوم 16-08-2009 في 12:29 PM.
  رد مع اقتباس
قديم 16-08-2009, 09:44 PM   رقم المشاركة : [44]
الصورة الرمزية حنين القلب
 

حنين القلب is on a distinguished road

معلومات إضافية
  قوة السمعة : 10
  الحالة :حنين القلب غير متواجد حالياً
افتراضي رد: أبوس راسك يازمن (رواية)


والله خطيره ندى ياليتها عندي
وسلمت يمناكِ


من مواضيعي
0 أسماء لمراجع
0 ارجو المساعده
0 طلب تتغير
0 يابني جافني النوم

  رد مع اقتباس
قديم 17-08-2009, 04:03 PM   رقم المشاركة : [45]

مشرفة المنتدى الاسلامي

الصورة الرمزية دلوعة ميمو
 

دلوعة ميمو is on a distinguished road

معلومات إضافية
  قوة السمعة : 10
  الحالة :دلوعة ميمو غير متواجد حالياً
افتراضي رد: أبوس راسك يازمن (رواية)

الله يسلمك
أشكرك على المتابعة
المميزة


من مواضيعي
0 بعض الرجال كبار لكن مهابيل |•
0 ام تحرق طفلها ظانة بة جن
0 ولاده طفل يشبه المسيح ..ياترى هل هو حقيقه؟؟؟
0 قبسات من نور [ كلمات مـضيئة * شعر إسلامي* حكم ووصايا ]
0 مؤذن في غيبوبه اكثر من تسع سنوات !
0 أجمع آية للخير والشر
0 آية قرآنية تقرأ من اليمين الى اليسار والعكس
0 أول معركة بين الجن والإنس من روائع ما قرآت
0 إكتشاف هااام ( في جثة فرعون مصر رمسيس الثاني )
0 أرجو من الكل الدعاء له .. أسأل الله أن يتولاه برحمته .. اللهم آآآآآمين
0 .•.°.• قد لاتَمنَحنَي آلحَيَاة ايآك غَـــــدآ i•.•.°.•
0 ܔلاترحل وذنوبگ معگܔ..
0 آعْشَـَـَـَقْ آلـصَمْتْ / يَـَـَسْتَهْوٍيـنٍـٍـٍيْ آإلُهُدُوُءْ؛
0 عاجل...كاتبه سعودية تطالب الزواج من 4 رجال
0 تربّينـــا على الآآآآه بسكـــات .|~

  رد مع اقتباس
قديم 18-08-2009, 09:00 AM   رقم المشاركة : [46]
الصورة الرمزية شوشه
 

شوشه is on a distinguished road

معلومات إضافية
  قوة السمعة : 10
  الحالة :شوشه غير متواجد حالياً
افتراضي رد: أبوس راسك يازمن (رواية)

يا الغلا ناطرين على ناااااااااااااااااااااااااااااااااااااار الباقي عفيه بس عجلي فديتج على هالروعه الي تبجي يا رووعه ناطرينج ومشكووووووووووووووووووووره


من مواضيعي

  رد مع اقتباس
قديم 18-08-2009, 06:55 PM   رقم المشاركة : [47]
الصورة الرمزية حنين القلب
 

حنين القلب is on a distinguished road

معلومات إضافية
  قوة السمعة : 10
  الحالة :حنين القلب غير متواجد حالياً
افتراضي رد: أبوس راسك يازمن (رواية)

دلوعه عجلي علينا وين باقي الروايه

التعديل الأخير تم بواسطة حنين القلب ; 18-08-2009 الساعة 06:58 PM.

من مواضيعي
0 أسماء لمراجع
0 ارجو المساعده
0 طلب تتغير
0 يابني جافني النوم

آخر تعديل حنين القلب يوم 18-08-2009 في 06:58 PM.
  رد مع اقتباس
قديم 19-08-2009, 04:38 AM   رقم المشاركة : [48]
الصورة الرمزية شوشه
 

شوشه is on a distinguished road

معلومات إضافية
  قوة السمعة : 10
  الحالة :شوشه غير متواجد حالياً
افتراضي رد: أبوس راسك يازمن (رواية)

دلوعه عفيه عجلي لو سمحتي في انزال البارت اليديد ترى ناطرين على احر من الجمر...خخخخخخخخخ و مشكوووره


من مواضيعي

  رد مع اقتباس
قديم 20-08-2009, 10:58 AM   رقم المشاركة : [49]

مشرفة المنتدى الاسلامي

الصورة الرمزية دلوعة ميمو
 

دلوعة ميمو is on a distinguished road

معلومات إضافية
  قوة السمعة : 10
  الحالة :دلوعة ميمو غير متواجد حالياً
افتراضي رد: أبوس راسك يازمن (رواية)

العفو يالغوالي
أشكر متابعتكم الحماسية
اليوم إن شاء الله أنزل لكم البارت
لعيوووونكم يا أحلى أعضاء


من مواضيعي
0 بعض الرجال كبار لكن مهابيل |•
0 ام تحرق طفلها ظانة بة جن
0 ولاده طفل يشبه المسيح ..ياترى هل هو حقيقه؟؟؟
0 قبسات من نور [ كلمات مـضيئة * شعر إسلامي* حكم ووصايا ]
0 مؤذن في غيبوبه اكثر من تسع سنوات !
0 أجمع آية للخير والشر
0 آية قرآنية تقرأ من اليمين الى اليسار والعكس
0 أول معركة بين الجن والإنس من روائع ما قرآت
0 إكتشاف هااام ( في جثة فرعون مصر رمسيس الثاني )
0 أرجو من الكل الدعاء له .. أسأل الله أن يتولاه برحمته .. اللهم آآآآآمين
0 .•.°.• قد لاتَمنَحنَي آلحَيَاة ايآك غَـــــدآ i•.•.°.•
0 ܔلاترحل وذنوبگ معگܔ..
0 آعْشَـَـَـَقْ آلـصَمْتْ / يَـَـَسْتَهْوٍيـنٍـٍـٍيْ آإلُهُدُوُءْ؛
0 عاجل...كاتبه سعودية تطالب الزواج من 4 رجال
0 تربّينـــا على الآآآآه بسكـــات .|~

  رد مع اقتباس
إضافة رد

مواقع النشر (المفضلة)

مواضيع مشابهه في ♥عيون القصص والرويات والحكايا♥



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
معنى شعار (ارفع راسك أنت سعودي ) احــلى عيون ♥عيون منوعات عامه تختص بالشروحات♥ 3 13-02-2010 10:32 PM
كبرنا يازمن تَرَآنِيٌٍ عَاَقٌلٍهًـ ♥حروف مبعثره ♥ 15 21-01-2010 09:53 PM
ليه يازمن..؟؟ احــلى عيون ♥عيون منوعات عامه تختص بالشروحات♥ 0 21-12-2009 11:50 PM
*·~-.¸¸,.-~*ابوس راسك يازمن .... ماعاد فيني للجراح ...@@@ جريح والسبه صريح ♥حروف مبعثره ♥ 9 25-06-2009 10:34 PM
ابسأأأأأأأأاااالك يازمن ليه اذا مسكت قلب لعنت والديه؟؟؟ فوزه لوزه ♥عيون الشعر والقصيد♥ 5 24-06-2009 07:00 PM


الساعة الآن 04:27 AM.


Powered by vBulletin Version 3.8.5
Copyright ©2000 - 2018, Jelsoft Enterprises Ltd
جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى


Search Engine Friendly URLs by vBSEO 3.6.0